Como estava previsto, o grupo de Coia trouxo umha importante descarga do hardcore mais rápido e barulhento do mercado galego, demonstrando também umha qualidade técnica acorde com o momento ascendente da música galega e em galego, nos mais diversos estilos. Infelizmente, problemas técnicos impedírom-nos oferecer-vos umha boas imagens da actuaçom dos Rojo Dos, que juntárom um bom grupo de incondicionais do metal no Centro Social ártabro. Pedimos desculpa e mostramos-vos a única foto que conseguimos do grupo do Sul sobre o cenário ferrolano.

Reproduzimos aqui a ediçom digital de umha pequena banda desenhada realizada polo Colectivo Pestinho a inícios da década de noventa, precedente da História da Língua, dos mesmos autores artísticos, e como esta dedicada a reivindicar a nossa condiçom nacional e os nossos direitos lingüísticos colectivos.

Já sabes: para a veres aumentada, clica em cima.

Este sábado, 15 de Novembro contaremos com o grupo viguês de hardcore Rojo2. Será a partir das 22.30 e o preço do bilhete é de 3 euros para nom sóci@s e 2,5 para @s sócios.
Se queres mais informaçom do grupo podes visitar o seu myspace premendo cá.

Como tínhamos anunciado, ontem era a cita com os amigos e amigas de Chama-lhe Xis, da Corunha, que trouxérom mais música galega e, portanto, cantada em galego, à comemoraçom do nosso X Anviversário, voltando a contar com a participaçom de numeroso público. Além dos bolos que saem nas fotos, no fim do concerto também houvo umha foliada improvisada com música tradicional e danças populares da Galiza. Eis algumhas fotos desta memorável noite ártabra:

Leia mais »

Continuando com a recuperaçom de obras publicadas pola Fundaçom Artábria ou com participaçom nossa, remontamos agora a 1995, ano em que fôrom publicados 4.000 exemplares da História da Galiza em Banda Desenhada, esgotada em poucos meses. Provavelmente já a conheças ou tenhas um exemplar em papel mas, se nom for assim, aqui podes vê-la e lê-la numha ediçom digital que facilita a leitura on line.

Lembra: carrega em cima da publicaçom para a veres num tamanho maior... e a desfrutá-la!

Neste sábado, 8 de novembro, contaremos com a actuaçom do grupo corunhês Chámalle Xis!.
Será a partir das 22.30h e o preço do bilhete de 3 euros para nom sóci@s e 2,5 para @s associad@s.

Leia mais »

Continuamos a recuperar publicaçons históricas da nossa entidade, esgotadas em papel, para o acesso gratuito em formato digital de fácil leitura. Nesta ocasiom é o Manual de Iniciaçom à Língua Galega, publicado em 1998 na primeira ediçom (impressa) e em 2006 na segunda (digital, co-editado com a AGAL), da autoria de Maurício Castro.

Para o veres em tamanho grande, já sabes, clica em cima.

Tal como anunciamos em dias passados, ontem recebemos o Inverno com umha noite de festa molhada pola forte chuva que caiu todo o dia e toda a noite em Ferrol. Apesar da água, a convocatória funcionou e a resposta foi boa: numerosas pessoas, amigas e amigos da Artábria, vinhérom comer umhas castanhas assadas, beber uns copos e desfrutar do espectáculo cómico de Pedro Brandariz.

Leia mais »

Apesar da chuva, um grupo de companheiros e companheiras assistírom hoje mesmo, na praça do Concelho, à chegada do autocarro do colectivo antigalego 'Galicia Bilingüe', fazendo-lhes chegar, como acontece em cada cidade e vila galega que visitam, que os inimigos do nosso idioma nom som bem-vindos.

Leia mais »

Para recebermos Novembro, vamos enfeitar o Centro Social com cabaças medonhas e, nesta mesma sexta-feira, assaremos umhas castinhinhas que poderás degustar de graça. Será a partir das 20h30 e, a seguir, contaremos com um espectáculo humorístico, com o clown Pedro Brandariz, às 22 horas, como parte dos actos polo X Aniversário da Fundaçom Artábria.

Queres saber mais sobre Pedro Brandariz? clica abaixo e lê mais:

Leia mais »